|
Moh Sibai (Cherry Myint) @ Chhechhe Pho moh Chozah Paw moh Rev. Dr C Laimâ, MCM & MCS Founder chata MSA founder Chairman a vaw chakaopa a cha. No moh Pinô Dawthlie
Khh moh Ngephiasizo Pahâpa Hla nathliepa nata châreipa Achuna Second Year, Medicine No. 2, Institute of Medicine, Yangon. Chhuanopa Châ a thaipa chata nopaw raizy baokhâ thei awpa. Bietah Eduaction lia cheingei châ leipa ta sasy pahana kao liata a thai patluapa chathei a chhua lyma ta eima râh nata chipho chei chalo thei awhpa. Tahma yna No. 10(B), Tharzargon, St. Nanthargone Block, Insein, Yangon. 
Fie Chhechhe he, Rev Dr. Laima Chozah(LLB, Rangoon University, M.Th India, D.Th; Soul Korea, MSA Founder Chairman) saw chano siehnaipa chata 2007 Academic year liata Insein Exam (Yangon) Centre tawta 3 Distinction, Pyhrana he a vaw passed. Mara rah Gospel Centenary ko liata, achuna ky liata Mara saw chata châthoh hmiathiepa mia a vaw pahypa he Centenary Byhna eima topa a cha ta leipa ta y thei mapi, MSA Founder Chairman chhokha tawta he hawta Medicine a chu theina taita Mara saw Centenary byhna eima vaw daopa he MSA thata alyna eima vaw hnei. Moh Fie Julie aye @ Ju Ju Pho Lâvâ Paw moh Pupa Laichau, he, Myanmar Economics Bank, Matuhpi, Chin State liata Manager raihria a cha kao haipa a cha Nô moh Pino Lili Khi moh Sabypi Achupa Second Year, Maggwe Institute of Medicine. Tahma yna Taungu, Bago Division. Pahâpa English nata Music (Guitar) Sadutliena Dawty raihriana he ta eima râh liata a ypa nô machâpa nata paw machâpa zy chata thlah paloh tah miakha kha taopa awh he ei koh chaipa a cha. Bietahna Siku hawti zydau tah Bie vaopa miakha kha hnei cheingei awhpa, chhuanona(Ambition) heina chô ta a chu lymâpa nata Abeipa la thlah chhahna chita sasy taima chhyu awhpa he viasa zydau chata ei kho kheichaipa ei a cha. Fie Juli Aye he, Pupa Laichhu saw chano siehnaipa chata, 2007 Academic Year liata Taungu Exam Centre tawta, 3 Distinction, pyhrana a vaw passed. Tahma he Institute of Medicine, Maggwe liata second year a chu haipa a cha. Paw pupa Laichhau chhao he Marapa saw Bank liata Manager rai tai a vaw chakao theipa chata Mara saw chata eima palai khei kawpa chhoh kha tawta Medicine a chuna taita hlaotlona a vaw topa he MSA tah eima palai khei kaw, eima rah rah nata chipho chata eima beisei kawpa nata eima kawpa nata eima nga pachha kawpa a cha. Moh Samuel Pho Chozah Paw moh Victor C. Zakho, Director(Retired), Department of Integration, Mandalay, liata Myanmar sawkha rai laipa a vaw chakaopa mara saw eima hneipa a cha. MSA Founder General Secretary a vaw rai a vaw chakaopa a cha. Nô moh Pino Sisinai Khi moh Potia(A) Pahâpa Châpa nata patlua patlâna(Research) Achuna Second Year, Medicine, No.2, Institute of Medicine, Yangon Chhuanopa Einô/paw zy chhâ he phata ta khâsia awhpa. Bietahna Siku hawti ama châna hawta a thai patluapa châ theina tai eima tia ma chyu awhpa ei kho khei ei. Tahma yna A-Bld-11, Room 3rd Floor, Miglar Street, Sanchaung, Yangon. Paw Samuel he Victor C. Zakho (BE, Rangoon Institute of Technology, MSA Founder General Secretary) saw chapaw Siehnaipa a cha, ano he 2007 Academic Year liata, Pya Oo Lwin Exam Centre tawta pyhrana he 3 Distinction tah a vaw passed. (Pyan Oo Lwin he Myanmar rah liata a ngiachhaipa khipipa cha ta, British Colonel sawkha chhao ta thata a vaw tobipa khi Stander Town a cha. Mara saw Gospel Centenary eima tlona ko liata MSA Founder Chairman, nata MSA Founder General Secretary nata Myanmar Economics Bank liata Manager railaipa a vaw chakao kaipa zy chhoh khata tawta mara saw ko hlupi eima kaw sai typa achuna liata châtho hmiathiepa ama vaw pahy hawpa chhao a dai leipa tah Mara saw Gospel Centenary kho la eima kaw sie laina liata Nothla mara nata Nochhi Marazy tawta achuna a sah viapa chhao eima vaw to lymapa vata, eima lyna he vaw pala sa awhpa ngiatia ma pi. Mara saw na khaina cha a vaw tloh haw tahpa ta, Sata sei chana tawta mia a pua khei tuhpa eima “Missionary chhohkha” liata chhao eima lyna he chha thai awh vei. Centenary ko liata Medicine a chuna a vawhmo penaw he ama zydua tah mo papali cha ei, information a kipata eima vaw la khai nata a tlo kawpa data update eima vaw tao bi awh |
