Malaysia atlô Mara zy MCC Cup Final Match zy cha Date 31^st August 2011(Malaysia National Day)  noh liata ahlaotloh kawpa ta tao patlô theipa acha tahpa ta thâtih eima thei. He MCC Cup liata Chapaw Football, Chapaw Volleyball, Chanô Volleyball nata ahropa palaona pho hluhpizy chhaota arôhnah kawpa ta taopa acha.

               ( Palaona  pathao awpa ta player zy)

Final Match noh liata avaw mohpa sahlao mo 500 hlei ama pha aw tahpa ta eima pahno. Football Final liata Ngephepi Vs Lelai akhaihpa châta Ngephepi team ta Lelai team kha 3-1 ta pahniepa ta sakhana lymâ ahmô haw. Chapaw Volleyball Final liata Aru Vs Sabyhpi akhaihpa châta Aru team ta Sabyhpi team kha pahniepa ta sakhana lymâ ahmô haw hra.

                        ( Chapaw Volleyball  First Aru Team )

Chanô Volleyball Final liata Meisakôtlâ Vs Lelai akhaihpa châta Meisakôtlâ team ta Lelai Team kha pahniepa ta sakhana lymâ ahmô haw hra.

                     ( Chano Volleyball First Meisakotla team)

Malaysia he Marasaw sie hluh chaina foreign ahlaofâhna su acha. Marasaw maluh 2000 rahchhôh y awpa ta hnabeiseihpa acha. 2000 khô rahchhôh tawh na khata Malaysia sie ha eima râh liata thata ahra ta cha daihti no cha ahluh via cha ahlaofâhpazy ama hluh chai.

     (MCC Chairman Puhpa Meipaw Aung Shwe Biereih ngala)

            MEC (Malaysia) Biatuhpa Rev. Thaulei biereih ngala)

                                   (MCC Chhihtha tuhpazy)

                        ( Avaw hlao theipa sahlaozy)

Atahma  Malaysia liata Marasaw he pythôh ama y. Passport chhaopa ta a ypazy, Illegal ta a ypazy, Refugee Card (UNHCR pahnokheipa) ta a ypa tahpa ta pahnopa châta eima hnohla tawhta khata Malaysia sawhkha tawhta 6P programme( Illegal zy nata UN Card ahneipazy, Malaysia sawhkha Immigration office liata kupi nâh awpa châta Legal chyhsa ta apy awpa ta acha) avaw taopa liata UN Card chhaopa zy thokha no lalaona ama hnei khei. Aeih viapa ta " Arâh la chhihtha pakhua awpa acha" tahpa hawrawh vâta thokha cha palôh rietheipa ta ama y.

          (MCC Chairman ta lyma apie hai ei)

MCC(Malaysia) he Marasaw Malaysia liata a ypazy châta aphahnai kawpa phupy sakha châta 2008 kô January 4 noh ta paduapa acha.

             ( Hawti nawhzy chhao ama vy hra)

MCC Motto cha :  Rise up and build! (Neh-2:18) (Thyu la paduatlai ei su)

(Note: Nohthlazy miah paphao tuhpa David Hnanga (Kuala Lampur) hnohta alyna bie eima reih.)